23 Janar, 2022

Orgesa Zaimi rrëfen mes lotësh humbjen e dy njerëzve të saj të afërt: Ndërruan jetë brenda pak ditësh

Këngëtarja Orgesa Zaimi ka rrëfyer se si muaji janar ka nisur mjaft i trishtë për të pasi ka humbur dy njerëz të afërt. Ajo ka treguar se brenda pak ditësh si pasojë e koronavirusit kanë ndërruar jetë daja dhe xhaxhai i saj. orgesaaaaaaaaaaaaaaaaa

Këngëtarja bëri thirrje që të gjithë qytetarët ta merrnin më seriozisht infektimin me Covid-19.

“Janari për mua ka nisur shumë trishtueshëm, sepse kam humbur brenda një afati 8 deri në 9 ditë, edhe dajën edhe xhaxhain. Ishte pak e papritur. Daja im ka qenë njeri që bënte shaka, njeri shumë i ditur… Nuk e di ka qenë një dhimbje shumë e madhe. Por sidomos goditjen më të fortë e mora nga xhaxhai im Behari, i cili u nda nga jeta para një jave. Ishte një komplikacion i Covid-it, ai e kishte kaluar në Dhjetor dhe ishte një komplikacion që i solli… vuante nga një problem. Nuk e prisja kurrë dhe ishte goditja e dytë shumë e fortë. Nëse për dajën e prisja sepse ishte i shtruar në spital, për xhaxhin nuk e prisja kurrë. Kam shkuar në Skrapar aty ku jetonte bashkë me bashkëshorten, i vetëm në ato shtëpitë e vjetra, nuk donte të ikte, të largohej. Mu kthye pas e gjithë fëmijëria ime, koha kur argëtohesha me të… Të dy këta kanë qenë një model shumë i fortë në jetën time. Njerëzit mendojnë se nuk ka Covid, apo që nuk është asnjë gjë, por unë në lëkurën, në vuajten e familjes time, sapo e kalova. Them që të bëni kujdes, ta vlerësoni maksimalisht jetën, t’i përqafoni njerëzit sa i keni afër dhe t’u shprehni dashurinë sa jeni afër, sepse nuk e di… pendohem shumë që një përqafim nuk e mora nga të dy në momentin e fundit dhe them që atje ku janë të jenë të paqtë dhe të jenë mire,”- tha këngëtarja mes lotësh për Tv Klan.

© Panoramaplus.al