Organizata Botërore e Shëndetit ka pranuar se ka prova të reja që koronavirusi përhapet më gjerësisht nga ajri se sa ishte sugjeruar më parë.
Një ditë pasi një grup shkencëtarësh thanë se OBSH po nënvlerësonte rrezikun e transmetimit të virusit vdekjeprurës nga ajri, një zyrtar i lartë i organizatës tha se “ekzistojnë prova të shpërndarjes së COVID-19 nga ajri, por që kjo nuk është përfundimtare”.
Duke folur në një konferencë për media në Gjenevë të martën, Benedetta Allegranzi, udhëheqësi teknik i OBSH-së për parandalimin dhe kontrollin e infeksionit, tha: “transmetimi përmes ajrit nuk mund të përjashtohet në ambiente të mbushura me njerëz, të mbyllura ose të ajrosura dobët”.
“Megjithatë, provat duhet të mblidhen dhe të interpretohen, dhe ne po vazhdojmë ta bëjmë këtë”, shtoi ai.
Një ditë më parë, në një letër të hapur, 239 shkencëtarë nga 32 vende, përshkruan prova që tregonin se grimcat e koronavirusit mund të qëndrojnë në ajër shumë më gjatë nga sa ishte thënë më parë dhe të infektojnë njerëz, duke i kërkuar OBSH që të rifreskojnë udhëzimet e tyre.
NDIQE LIVE "PANORAMA TV" © Panoramaplus.al