Modelja amerikane, Chrissy Teigen ka përshkruar dhimbjen që përjetoi pas humbjes së foshnjës së saj në fillim të këtij muaji.
Në atë periudhë, modelja publikoi një foto nga shtrati i spitalit pas abortit të djalit.
Imazhet e realizuara nga bashkëshorti i saj, këngëtari John Legend u vlerësuan nga shumë për guximin që Chrissy Teigen tregoi, por edhe u kritikuan nga disa.
Në një postim në blog, ajo iu drejtua kritikëve të saj duke thënë: “Nuk mund ta shpreh sesa pak më intereson fakti që ju i urreni fotot.”
Teigen ka dy fëmijë me John Legen dhe në mes të gushtit zbuluan se ishin në pritje të një djali.
Modelja zbuloi se ata e kishin quajtur fëmijën Jack.
Dhe në postimin në blog, ajo shkroi se u kërkoi mamasë dhe bashkëshortit të saj që ti bënin foto “sado e pakëndshme që ishte ngjarja”.
“Unë i shpjegova John, sepse ai ishte shumë hezitues, se unë kisha nevojë për ato foto,”– u shpreh ajo.
Më pas rrëfeu: “Ai u urrente këtë gjë. Nuk kishte kuptim për të në atë kohë. Por unë e dija që duhet ta ruaja këtë moment përgjithmonë, në të njëjtën mënyrë më duhej të kujtoja teksa e puthja dhe absolutisht e dija që kisha nevojë ta ndaja këtë histori.”
Ajo gjithashtu iu adresua drejtpërdrejt kritikave që mori në atë kohë për publikimin e fotove të momentit në Instagram.
“Unë e kam jetuar atë, kam zgjedhur ta bëj dhe më shumë se gjithçka, këto foto nuk janë për askënd tjetër përveç atyre njerëzve që e kanë përjetuar në ngjarje të tillë ose janë mjaft kuriozë të pyesin veten si është kjo ndjenjë. Këto fotografi janë vetëm për njerëzit që kanë nevojë për to. Mendimet e të tjerëve nuk kanë rëndësi për mua,”- përfundoi Chrissy Teigen.