2 Mars, 2021

Nga shtimi në peshë deri tek halucinacionet, ja çfarë ndodh me trupat tanë nëse nuk flemë mjaftueshëm

Sipas një studimi, mesatarisht njerëzit thonë se ndihen të përgjumur 3 ditë në javë për shkak të një gjumi jo të mirë, ndërsa të tjerët ndihen kështu 5 deri në 7 ditë në javë.

Fjetja ka përfitimet e veta, nga përmirësimi i humorit dhe rritja e produktivitetit deri te fuqizimi i zemrës.

Sipas “Bright Side”, kjo do të thotë që mungesa e gjumit mund të na shkaktojë shumë probleme shëndetësore, si fizikisht ashtu edhe mendërisht.

  1. Mund të bëjë që të flini për pak minuta disa herë gjatë ditës.

pagjumesia (3)

Një efekt shumë real dhe potencialisht i rrezikshëm i privimit të gjumit është i ashtuquajturi “gjumi mikro”. Kjo dremitje e pavullnetshme mund të ndodhë rastësisht, edhe gjatë një detyre ose aktiviteti të rëndësishëm, pa e kuptuar as vetë. Mund të ndodhë në shkollë, në punë, apo edhe gjatë kohës kur jeni duke i dhënë makinës, gjë që e bën këtë gjendje shumë të rrezikshme.

  1. Mund të plakë lëkurën tuaj.

pagjumesia (5)

Mungesa e gjumit prodhon kortizol, i cili mund të shpërbëjë kolagjenin, proteina që e mban lëkurën tonë “të re”. Sipas këtij studimi, personat që flenë mirë kanë rezultate më të ulëta të plakjes së lëkurës sesa ata që flenë keq.

  1. Ndikon në gjykimin e një personi.

pagjumesia (4)

Në një studim, 26 njerëz ishin të privuar nga gjumi për vetëm 2 ditë dhe kishin për detyrë të jepnin gjykimet e tyre mbi dilemat e ndryshme morale. Rezultatet sugjeruan që, për shkak të privimit të gjumit, ishte më e vështirë për njerëzit t’u përgjigjeshin pyetjeve komplekse morale.

  1. Ndikon negativisht në emocionet tona.

pagjumesia (2)

Sipas profesorit David Dinges, privimi i gjumit mund të ketë efekte të ndryshme negative emocionale tek një person. Ne e dimë që na bën të sillemi çuditshëm dhe nervoz, por gjithashtu na e bën më të vështirë për të treguar emocione pozitive në fytyrat tona, dhe do të ishte më e vështirë për ne të tregonim kur dikush tjetër është i lumtur. Sepse qoftë në fytyrën tonë apo të dikujt tjetër, një shprehje pozitive mund të duket neutrale ndaj një personi mesatar të privuar nga gjumi.

  1. Mund të shkaktojë halucinacione dhe psikozë.

pagjumesia (6)

Pagjumësia për periudha të gjata kohore mund të prodhojë një sërë përvojash, duke përfshirë halucinacionet. Simptomat zhvillohen shumë kur jemi zgjuar. Ato mund të variojnë nga keqkuptime të thjeshta vizive deri te halucinacione dhe iluzione dhe mund të përfundojnë në një gjendje që i ngjan psikozës akute. Kjo mund të zgjidhet duke fjetur mjaftueshëm.

  1. Mund të dëmtojë trurin.

pagjumesia (7)

Efektet afatgjata të privimit të gjumit janë të vështira për t’u studiuar te njerëzit për arsye etike, por mungesa e gjumit ka qenë e lidhur me  skizofreninë dhe çmendurinë. Jo vetëm kaq, por sipas këtij studimi, mungesa e gjumit mund të zvogëlojë trurin. Gjumi i shëndetshëm është thelbësor për të pasur një tru që funksionon mirë.

  1. Mund të bëjë që të shtoni peshë.

pagjumesia (1)

Një studim që u krye nga mjekët në “Universitetin e Çikagos” konfirmoi se ekziston një lidhje midis rritjes së oreksit dhe mungesës së gjumit. Ata zbuluan se kur privoheshin nga gjumi, njerëzit konsumonin më shumë ushqim të shpejtë dhe ëmbëlsira.

Një nga studiuesit, Dr. Hanlon, shpjegoi se nëse keni fjetur mjaftueshëm, mund të jeni më të mirë në kontrollimin e urisë, veçanërisht kur shihni ushqim jo të shëndetshëm. Por ai gjithashtu shtoi se nëse jemi të privuar nga gjumi, aftësia jonë për t’i rezistuar atyre mund të dëmtohet.