Takat e larta ju bëjnë të dukeni më të gjatë dhe të ndiheni më të bukur, sipas ekspertëve. Por nuk duhet të harroni se shëndeti juaj është më i rëndësishëm se gjithçka, dhe disa centimetra lartësi mund të shkaktojnë disa probleme serioze shëndetësore në planin afatgjatë.
“Bright Side” ndan me të gjithë pasojat e përdorimit të takave të larta shumë shpesh ose për periudha të gjata kohore.
- Mund të keni dhimbje shpine.
A jeni përkulur përpara pasi keni mbajtur taka të larta gjatë gjithë ditës? Kjo ndodh sepse ndieni nevojën për të liruar presionin në shpinë. Shpina juaj ka një formë të kurbës C në një pozicion normal. Kur mbani taka të larta, ju ndryshoni formën e shtyllës kurrizore dhe, me kalimin e kohës, ajo mund të konsumojë kërcin në disqet, nyjet dhe ligamentet tuaja në shpinë.
- Mund të ushtroni presion shtesë tek këmbët.
Bilanci juaj natyral shtrembërohet kur mbani taka. Kështu që mund të përjetoni një presion shtesë mbi gishtërinjtë tuaj që mund të ndikojnë në shpejtësinë e ecjes, gjatësinë e hapit dhe tek mënyra e ecjes.
- Mund të dëmtoni gjunjët.
“Artriti i konsumit”, i njohur si artrozë në gju, ndodh shumë më shpesh tek gratë sesa tek burrat, dhe veshja e takave të larta është një nga arsyet kryesore për këtë.
- Kyçet tuaj do të rëndohen.
Kyçet mund ta kenë më të vështirë të lëvizni këmbën përpara kur ecni. Plus, meqenëse kyçi i këmbës nuk është në pozicionin e tij normal, tendina e thembrës mund të kontraktohet. Me kalimin e kohës, ju mund të përjetoni një gjendje inflamatore.
- Ijet mund të preken.
Nëse vishni taka të larta, mund të keni dhimbje në ije, sipas një studimi. Ijet janë të detyruara të qëndrojnë në një pozicion dhe tkurrja e muskujve mund t’ju shkaktojë disa probleme shëndetësore me kalimin e kohës.
- Gishti i vogël i këmbës mund të bëhet i hollë dhe i brishtë.
Duke qenë “të shtypur” brenda atyre këpucëve, thonjtë e këmbëve nuk do të jenë shumë të lumtur, veçanërisht ai i gishtit të vogël. Me kalimin e kohës, ai mund të bëhet ose i hollë dhe eibrishtë, ose i trashë dhe i fortë për t’u prerë. Kjo është arsyeja pse disa gra madje zgjedhin t’i nënshtrohen procedurave mjekësore për të qenë në gjendje të mbajnë veshur takat e tyre të larta.
- Mund të vuani nga hyrja e thoit në mish.
Veshja e takave të larta kur keni probleme me hyrjen e thoit në mish, mund të përkeqësojë gjendjen dhe mund të shkaktojë dhimbje, skuqje apo edhe infeksion. Nëse nuk e keni provuar kurrë këtë, mbajtja e takave mund të krijojë mjedisin e duhur që të ndodhë.
- Mund t’ju shfaqet “gishti i çekiçit”.
Për shkak të një çekuilibri të muskujve, tendinave dhe ligamenteve, ju mund të hasni atë që quhet “gishti i çekiçit”, që është një deformim i këmbës. Kjo shkaktohet nga fakti që gishtërinjtë tuaj nuk qëndrojnë në formën e tyre natyrore, sepse janë “shtrydhur” brenda pjesës së përparme të këpucës.
- Mund të keni probleme me venat dhe me variçet.
Kur vishni taka të larta, gjaku nuk derdhet nëpër venat tuaja siç duhet normalisht për shkak të muskujve të tkurrur. Kështu që me kalimin e kohës mund t’ju shkaktohen variçet. Nëse tashmë keni shenja të dukshme të tyre, atëherë rekomandohet një palë atlete.
- Nuk jeni aq fleksibël sa normalisht.
Qëndrimi juaj i trupit duhet të vuajë për shkak të të gjitha gjërave të renditura më sipër, kështu që mund të mos jeni në gjendje të jeni aq fleksibël dhe i lëvizshëm sa do të ishit normalisht. Shtrëngimi i shtuar në muskujt tuaj mund të pengojë aktivitetet e përditshme, si ngjitja e shkallëve, shëtitja ose vrapimi. Prandaj rekomandohet që të masazhoni këmbët herë pas here.
NDIQE LIVE "PANORAMA TV" © Panoramaplus.al