Ditën e djeshme, Dojna Mema publikoi në Instagram disa prej librave të saj të preferuar, duke ua sugjeruar kështu edhe ndjekësve të saj.
Përveç fotove të librave, Dojna kishte zgjedhur si foto të parë një shprehje: “Nëse shkon në shtëpinë e dikujt dhe ai nuk ka libra, mos shkoni me të”
Postimi mori shumë komente, por ishte njëri ai që tërhoqi vëmendjen.
“Sa kishin libra nga ata që vizitove ti?”- i shkruante ndjekësi.
Por, Dojna nuk e ka lënë pa një përgjigje.
“Ja rasti konkret kur një grua s’i ka kushtuar rëndësi asaj thënies më sipër dhe lind një tek neuronësh si ti.”- ka shkruar moderatorja.
E ftuar tek “Why Not” pak ditë më parë, Dojna foli edhe për largimin nga “Top Channel”:
“Për të gjithë njerëzit që më kanë ndjekur e dinë që kam që 19 vjeç në Top Media. Ishte e vetmja shtëpi mediatike që unë kisha patur ndonjëherë, pra nuk vija nga ndonjë eksperiencë e mëparshme.
Unë kam bërë vetëm ‘Top Channel’ dhe ishte një vendim i vështirë të shkëputesha nga shtëpia ime e parë. Ishte një vendim i nevojshëm në një kohë kur unë kërkoja të bëja gjëra të mijat.
Ka qenë një shkëputje shumë e butë dhe për këtë më vjen shumë mirë, ka qenë një shkëputje me respekt nga të dyja palët. Ishte një moment që unë kisha shumë nevojë të eksperimentoja me gjëra të reja.
Në këtë fazë, ‘Top Channel’ kishte një linjë editoriale që nuk përshtatej me gjërat që unë doja të bëja specifikisht, kështu që ishte më mirë për të dyja palët që të merrnim një shkëputje nga njëri-tjetri”.
NDIQE LIVE "PANORAMA TV" © Panoramaplus.al