Bruno Mars iu është bashkuar listës së artistëve që kanë dhënë donacione për të luftuar koronavirusin.
Ai ka dhuruar 1 milionë dollarë nga pasuria e tij për të ndihmuar njerëzit që janë përkohësisht të papunë për shkak të pandemisë së koronavirusit.
Këngëtari i famshëm dhuroi paratë për punonjësit e MGM ndërkohë që në Amerikë numri i njerëzve të papunë ka shkuar në 3 milionë pasi bizneset të gjithë vendin kanë filluar të mbyllen.
Marsi bëri donacionin e tij të konsiderueshëm në Fondacionin MGM Resorts Foundation. Një pjesë e parave do të shkojnë për Employee Emergency Grant Fund dhe Children’s Medical Support Fund.
“Njerëzit në MGM i kanë dhënë Bruno Marsit mundësinë e rrallë për të qenë në gjendje të bëjë koncerte vazhdimisht ndërsa ai është në procesin krijues për albumin e tij të ardhshëm,”- tha një përfaqësues këngëtarit.
Mars gjithashtu tha se shpreson që punonësjt të kthehen shpejt në punë.
NDIQE LIVE "PANORAMA TV" © Panoramaplus.al