Bananet janë ndër frutat më të vlerësuara dhe të konsumuara në botë. Të pasura me minerale dhe vlera ushqyese, bananet ofrojnë përfitime të shumta shëndetësore. Ato përmbajnë sheqerna, por shumë pak yndyrë dhe natrium, kjo është arsyeja pse bananet janë gjithashtu të dobishme për të humbur peshë.
Prania e tre vitaminave antioksidues (A, C dhe E) i përfshin bananet në mesin e frutave më të pasur me veti terapeutike. Kaliumi, fibra, karbohidratet, beta-karoteni dhe antioksiduesit plotësojnë kuadrin ushqyes të këtij fruti të shkëlqyeshëm.
Muskujt. Duke qenë të pasura me magnez, bananet ndihmojnë në krijimin e masës muskulore përmes sintezës së proteinave. Studime të ndryshme kanë treguar që konsumimi i shpeshtë i bananeve stimulon relaksimin dhe kontraktimet e muskujve.
Stresi. Vitamina B9 dhe acidi folik i bananes ndihmojnë në luftimin e depresionit duke rritur serotoninën në tru. Për më tepër, bananet përmbajnë triptofan dhe antioksidantë si dopamina, të cilat luajnë një rol të rëndësishëm në përmirësimin e humorit.
Humbje e peshës. Një banane e mesme përmban vetëm 90 kalori dhe shumë fibra, kjo është arsyeja pse është e shkëlqyeshme për kontrollin e peshës. Banania promovon lëshimin e një hormoni të quajtur grrelin, i cili rrit ndjenjën e ngopjes.
Diabeti. Studime të ndryshme kanë treguar që pektina në banane mund të përmirësojë tolerancën e sheqerit duke ngadalësuar thithjen e glukozës në gjak.
Kolesteroli. Fitosterolet e bimëve në banane ndihmojnë në uljen e niveleve të kolesterolit të keq, duke parandaluar shumë sëmundje të zemrës.
Tretje. Bananet janë një ushqim probiotik që promovon detoksifikimin e zorrëve, duke stimuluar zhvillimin e baktereve “të mira” në traktin digjestiv.
Ënjtje. Duke qenë të ulët në natrium, bananet parandalojnë fryrjen e barkut dhe mbajtjen e lëngjeve.
Kockat. Bananet përmbajnë fructooligosaccharides, komponime prebiotike që përmirësojnë aftësinë e trupit për të absorbuar lloje të ndryshme të lëndëve ushqyese, siç është kalciumi.
Antioksidantë. Karotenoidet e bananeve mbrojnë kundër sëmundjeve kronike, siç janë llojet e caktuara të kancerit, sëmundjet kardiovaskulare, sëmundjet e veshkave dhe diabeti.
Zemra. Kombinimi i një përmbajtje të ulët të natriumit dhe një sasie të lartë kaliumi e bën bananen një ushqim të dobishëm për parandalimin e disa problemeve të zemrës, siç është hipertensioni. /Burimi: Revista Psikologjia/
NDIQE LIVE "PANORAMA TV" © Panoramaplus.al