Një skulptor në Los Angeles ka vendosur një statujë në vendin ku humbi jetën në mënyrë tragjike ylli botëror i basketbollit, Kobe Bryant dhe vajza e tij, Gigi. Statuja e vendosur në nder të përvjetorit të vdekjes së tyre, peshon rreth 160 kilogram.
Artisti, Dan Medina, që vendosi statujën në Calabasas, (vendin ku humbën jetën) shpreson që qyteti ta lejojë të vendosë një version më të madh në të ardhmen.
Në bazën e statujës, Dan Medina shkroi edhe emrat e nëntë viktimave që vdiqën tragjikisht kur u rrëzua helikopteri në kodrën e Calabasas më 26 janar 2020, tranmeton TMZ.
“Heronjtë vijnë dhe shkojnë por legjendat mbeten përgjithmonë”, shkruhet në bazën e statujës.
