Edhe pse kishin një jetë aktive profesionale në Tiranë, Zerina dhe Pali Kuke zgjodhën të lënë karrierat e tyre dhe të zhvendosen në Amerikë pranë fëmijëve.
Tashmë janë bërë gjyshër dhe dëshira për të qenë gjyshër jo në videocall, por me prezencë fizike, bëri që çifti të zgjedhë familjen duke sakrifikuar karrierën. Por me sa duket malli i bën që të rikthehen herë pas here, sepse papaprazzi ynë i ka fotografuar pak ditë më parë në rrugët e Tiranës.
Që të dy duken akoma shumë në formë, pavarësisht orës biologjike, e cila është e pamëshirshme për të gjithë. Çifti Zerina dhe Pali Kuke janë pa dyshim një nga shembujt më të mirë, që kanë spikatur në rininë, pjekurinë, karrierën e tyre dhe vijojnë të jenë tërheqës edhe sot, si një frymëzim edhe për të rinjtë që aspirojnë televizionin.
Pak muaj më parë ishte 60-vjetori i Televizionit Shqiptar dhe regjizori Pali Kuke publikoi një album me foto shumë interesante. Foto bardh e zi ku që të dy, përveçse të talentuar që në rini, duket që kanë qenë edhe mjaft të pashëm.
/Panoramaplus.al
NDIQE LIVE "PANORAMA TV" © Panoramaplus.al