Vera po ikën dhe vjeshta tashmë duket se po i zë vendin, por ditë me diell ka akoma. Pikërisht në këtë fund vere, personazhet e njohura po shfrytëzojnë edhe rrezet e fundit të diellit për të kaluar disa ditë në plazh.
Madje për disa vigjilja e vjeshtës është akoma më e bukur për plazh. Temperaturat nuk janë shumë të larta dhe plazhi nuk është i superpopulluar.
Sot kemi zgjedhur tri personazhe të plazhit të vonë, ata janë fotografuar fundjavën e kaluar nga paparazzi ynë, që të tre në plazhin e Palasës.
Ledina Çelo, këngëtarja e njohur e cila ka vite tashmë që jeton në Gjermani, këtë verë më së shumti ka pushuar në bregdetin e Jugut të Shqipërisë. E ndërsa jepte një intervistë televizive në Sarandë, këtë herë paparazzi ynë e fotografoi në Palasë.
Ajo së bashku me bashkëshortin dhe dy fëmijët po argëtoheshin me makinën e plazhit.
Edhe një fëmijë tjetër është argëtuar shumë në plazh fundjavën e kaluar. Bëhet fjalë për mbesën e deputetit dhe kryetarit të Partisë Republikane, Fatmir Mediu.
Ai ka hyrë shumë i ri në politikë dhe ja sot, pas kaq vitesh, e shohim edhe si gjysh, duke u argëtuar në plazh me mbesën e tij, së bashku me bashkëshorten.
Lei Kraja, e bukura e ekranit, si gjithmonë në superformë, çdo gjë në perfeksion në fizikun e saj. Ajo u fotografua në Palasë duke bërë plazh bashkë me disa mikesha të saj.
Përveç formave fizike dhe portretit të këndshëm, Lei bie në sy dhe bën diferencën me të tjerët gjithashtu edhe për gjatësinë që ka.
/Panoramaplus.al
