Këtë të hënë rifilloi punimet Parlamenti dhe paparazzi ynë është gjithmonë aty, për të marrë foto sa më pikante.
Deputetët i janë rikthyer rutinës së tyre të punës pas verës së nxehtë të pushimeve. Krahas bisedave se si e kaluan kohën jashtë angazhimeve politike, disa prej tyre kanë preferuar të bëjnë foto me njëri-tjetrin, meqë siç dihet, në oborrin e Parlamentit nuk mungojnë fotografët, të cilët janë të shumtë në numër.
Dy deputetët socialistë, Blerina Gjylameti dhe Sadri Abazi, që të dy në zonën e Tiranës, pasi janë çmallur me njëri-tjetrin, kanë hequr maskat dhe kanë marrë poza për të bërë fotot.
Me siguri kanë qenë të ndikuar edhe nga veshjet e tyre, të cilat duket që janë zgjedhur me shumë kujdes. Deputetja Gjylameti spikat për kujdesin që tregon për veshjen e saj.
Ajo di gjithnjë të kombinohet bukur dhe të zgjedhë stilin që i shkon. Me linja të mira dhe mjaft simpatike, edhe kësaj here Gjylameti ishte veshur bukur.
Ndërkohë stilin e ka sofistikuar edhe deputeti Abazi. Ai tashmë përdor këpucë sportive të markave të njohura.
/Panoramaplus.al
