Planet e Tom Cruise dhe Elon Musk për të realizuar një film në hapësirë janë finalizuar. Udhëtimi i aktorit drejt hapësirës është planifikuar që të bëhet në vitin 2021.
Tom Cruise u bashkua me biznesmenin Elon Musk dhe NASA-n për të xhiruar një film të ri në hapësirën kozmike, me regjisor Doug Liman.
Projekti tani është plotësisht në rrugën e tij, pasi Space Shuttle Almanac konfirmoi në Twitter se Stacioni Hapësinor Axiom, i pilotuar nga Michael Lopez-Alegria, do të niset për një mision në tetor 2021 me Cruise dhe Liman në bord.
NASA konfirmoi përfshirjen e tyre në projekt në fillim të këtij viti.
“NASA është e ngazëllyer të punojë me TomCruise për të prodhuar një film në bordin e Space Station,”- tha administratori i NASA, Jim Bridenstine.
“Ne kemi nevojë për media të njohura që të frymëzojnë një brez të ri inxhinierësh dhe shkencëtarësh për t’i bërë realitet planet ambicioze të NASA-s,”– shtoi ai.
Nuk dihet ende titulli i filmit, ndërkohë Liman është në procesin e shkrimit të skenarit të filmit.
Buxheti që do shpenzohet për të realizuar filmin mendohet të jetë 200 milionë dollarë.
/Panoramaplus.al
