Para pak ditësh, Kim Kardashian festoi 40-vjetorin e lindjes, por udhëtimi drejt ishullit privat “Tahiti” në kohë pandemie, bëri shumë bujë.
Duket se bukuroshja brune nuk ka të ngopur me fotot dhe videot e realizuara në këtë destinacion të mrekullueshëm, pasi së fundmi ka ndarë disa pamje të tjera, raporton “Mirror”.
Në një video të ndarë në llogarinë e saj në Instagram, Kim shfaqet duke dalë nga uji blu i ishullit e veshur me bikini ngjyrë jeshile neoni, që i nxirrte në pah format seksi.
Nëna e katër fëmijëve dukej e mahnitshme, teksa shfaqi trupin e tonifikuar para kamerës.
Duket se me këtë video, në sfond të së cilës dëgjohet kënga e Nina Simone, “Feeling Good”, Kim i ka dhënë një mesazh të gjithë atyre që e urrejnë dhe komentojnë negativisht vendimin e saj për të udhëtuar drejt ishullit.
Në këtë 40-vjetor, Kim duket se nuk është kursyer aspak, pasi në total raportohet se ka shpenzuar plot 1 milion dollarë.
NDIQE LIVE "PANORAMA TV" © Panoramaplus.al