Kushërira e Dua Lipës feston ditëlindjen, e për këtë këngëtarja e famshme ka vendosur ta urojë atë me disa imazhe të shkëputura nga fëmijëria, ku i rikujtonte se ajo ishte mikesha e saj më e mirë.
“Më fal për imazhet turpëruese”, shkruan Dua Lipa bashkëngjitur albumit që publikoi për 18 milionë ndjekësit e saj në profilin e “Instagram”-it.
Përveç kësaj, ajo që tërheq vëmendjen te këto imazhe janë edhe tatuazhet. Në njërën nga videot, Dua tregon se ka realizuar tatuazhin e parë në pjesën e fundshpinës, së bashku me mikeshën e saj.
Këngëtarja shqiptare tha se ishte realizuar me këna, por ndjekësit e saj nuk ishin fort të lumtur. Një nga fanset e saj i shkruante: “Fëmijët e vegjël, nuk mund të mbajnë tatuazhe”.
Ky koment nuk i ka kaluar Duas, e cila vendosi që t’i kthente një përgjigje: “Është vetëm këna! Kështu që merre lehtë”.
Panorama Plus
NDIQE LIVE "PANORAMA TV" © Panoramaplus.al