7 Dhjetor, 2021

Drake tërheq dy nominimet e tij për çmimet “Grammy 2022”

Artisti i njohur Drake, ka tërhequr dy nominimet e tij për “Albumin më të mirë rap” dhe “Performancën më të mirë rap” në “Grammy 2022”. 

Ndërsa arsyet pse reperi i njohur ka marrë këtë vendim, nuk janë bërë ende të ditura. “Variety” raportoi se artisti 35 vjeçar hoqi dorë nga dy nominimet, pasi u konsultua me menaxherin e tij.

Në vitin 2018, Drake refuzoi që albumi i tij  “More Life” të merrte çmim Grammy, edhe pse u kualifikua, pasi u zhgënjye kur kënga e tij dominuese në listë, “Hotline Bling”, fitoi në kategorinë “Kënga më e mirë rep” në 2017, pavarësisht se nuk kishte rep.

“Ndoshta sepse kam repuar në të kaluarën ose sepse jam me ngjyrë, nuk mund ta kuptoj pse”, tha ai në emisionin radiofonik “Beats 1” në atë kohë, duke shtuar se ai besonte se çmimi ishte rezultat i profilizimit racor.

“Ndihem pothuajse si i tjetërsuar ose po përpiqesh të më largosh qëllimisht duke më bërë të fitoj çmime rap, ose thjesht më qetëson duke më dhënë diçka, duke më vendosur në atë kategori”, tha ai.

Gjatë viteve të fundit , çmimet “Grammy” janë kritikuar nga artistë të ndryshëm, si The Weeknd apo dhe Drake, të cilët janë shprehur “se nuk vlerësohet suksesi dhe çdo gjë është bërë biznes tashmë”.

Në një deklaratë të postuar në Instagram, Drake shkroi: “Unë mendoj se duhet të ndalojmë së lejuari veten të tronditemi çdo vit nga shkëputja midis muzikës me ndikim dhe këtyre çmimeve dhe thjesht të pranojmë se ajo që dikur ishte forma më e lartë e njohjes mund të mos ketë më rëndësi për artistët që ekzistojnë tani dhe ata që vijnë më pas.”