Kanye West u kthye kundër Hailey Bieber pasi ajo mbrojti redaktoren e ‘Vogue’, Gabriella Karefa-Johnson, e cila kritikoi bluzat e reperit “White Lives Matter”. Në mes të javës së tij të mbushur me drama, reperi ndau një screenshot – pasi kërkoi emrin e tij në Google – të një artikulli lajmesh që fliste për mbështetjen e Bieber për Karefa-Johnson.
“Prisni, prap nuk do më mbështesni???”, ka shkruar stilisti 45-vjeçar në postimin në Instagram. “Justin [Bieber] të lutem më thuaj.” Nga Justin nuk ka asnjë reagim, por vlen të theksohet se ai dhe Kanye kanë patur një raport shumë të ngushtë.
Të martën, Hailey shprehu mbështetjen e saj për redaktoren e modës pasi West e ofendoi. “Respekti im për ty shkon thellë mikesha im!”, ka shkruar modelja në Instagram Stories, duke shtuar se “të njohësh ty është të të adhuroj dhe të punosh me ty është një nder.”
25-vjeçarja – dhe yje të tjerë – mbështetën gjithashtu Karefa-Johnson të mërkurën kur redaktorja e modës foli për herë të parë pasi e gjeti veten në mes të sulmit të Ye. “Një gjë për mua: Unë gjithmonë do të them mendimin tim dhe gjithmonë do të përpiqem të nderoj të vërtetën time. Mendimet e mia janë të miat dhe unë qëndroj pranë tyre. Faleminderit të gjithëve që më mbështetët në këtë”, shkroi 30-vjeçarja përmes Instagram Story.
Edhe pse West duket i pasigurt nëse ai nuk e ka më mbështetjen e çiftit, shumë të brendshëm të modës nuk e shohin atë të ngjisë shkallë suksesi nga koleksioni më i fundit, të cilin ai e prezantoi gjatë ‘Javës së Modës në Paris’. Një burim i brendshëm i modës tha për ‘Page Six’, “Ka marrë fund. Njerëzit ishin të neveritur dhe të indinjuar.” Megjithatë, një tjetër qëndroi pranë stilistit, duke thënë: “Nëse keni para, nuk do të ‘anuloheni’ kurrë”.
NDIQE LIVE "PANORAMA TV" © Panoramaplus.al