6 Maj, 2019

Deputeti filmohet duke qëlluar me armë, befason me përgjigjen: Çdokush bën idiotësira nganjëherë (VIDEO)


Banorët e qytetit Kamyshlov në Uralet ruse janë frikësuar nga disa të shtëna me armë zjarri automatike. Ngjarja ka ndodhur gjatë fundjavës dhe për habinë e të gjithëve, personi që qëlloi në ajër ishte një ligjvënës kombëtar.

Menjëherë në rrjetet sociale janë publikuar video të kësaj ngjarjeje. Dikush nga filmuar nga brenda një apartamenti, e në video shfaqet një grup njerëzish që qëndron në oborrin e prapmë të një shtëpie dhe papritur një prej tyre qëllon disa herë në ajër.

Ndërkohë një tjetër video tregon momentin që ka mbërritur policia në vendin e ngjarjes, por nuk informoi publikun mbi këtë çështje.

Por personi në fjalë u identifikua pas publikimit të videove në rrjetet sociale. Sipas mediave lokale, ai është Dmitry Ionin, anëtar i dhomës së ulët të parlamentit në Rusi, ku përfaqëson rajonin Sverdlovsk të Uraleve.

Fillimisht, zyrtari në fjalë, i cili po vizitonte Kamyshlov, mohoi raportimet duke këmbëngulur se kishte qenë ndihmësi i tij ai që kishte harxhuar karikatorin e një “arme lodër”.


Por pasi videot e kësaj ngjarje filluan që të bëheshin virale në internet, Dmitry u detyra të pranonte gabimin.

“Thjesht mu dha një armë…Nuk mendova se do të kishte probleme me këtë”, tha ligjvënësi, duke shtuar se arma i përkiste një politikani lokal.

“Çdokush bën idiotësira nganjëherë”, ka shtuar Ionin duke pranuar se kishte bërë gabim, megjithëse nuk ishte proceduar nga policia.

NDIQE LIVE "PANORAMA TV"
© Panoramaplus.al