Kryeqyteti i Francës, Parisi, është vendi ku Cristiano Ronaldo ka zgjedhur që të ndërtojë hotelin e tij të gjashtë nën markën CR7. Lajmi është bërë i ditur nga grupi i hoteleve “Pestana” ku 33-vjeçari është aksioner.
Gjithashtu thuhet se hoteli do të jetë me 4 yje dhe do të ketë 210 dhoma. Ndërkohë përurimi i këtij hoteli është parashikuar të bëhet në vitin 2021.
“Është një investim prej 60 milionë eurosh dhe, si të gjitha hotelet e ndërtuara deri më tani, investimi do të jetë 50 me 50, pra gjysmën e investimit do ta bëjë 5 herë fituesi i ‘Topit të Artë’ dhe pjesën tjetër grupi ‘Pestana’”, thuhet më tej në deklaratë.
Pestana Hotel Group and footballer Cristiano Ronaldo will open in Paris, the 6th hotel of the Pestana CR7 Lifestyle Hotels brand. #PestanaCr7 https://t.co/I4WIICZVIW
— Pestana Hotels (@PestanaHotels) September 12, 2018
Në vitin 2016, ylli portugez ka përuruar hotelet e tij të para në Lisbonë dhe në Madeira, në vendlindjen e tij. Ndërkohë që brenda vitit 2020 duhet të hapë edhe 3 hotele të tjerë në Madrid, Nju Jork dhe Marakesh.
PANORAMA PLUS
NDIQE LIVE "PANORAMA TV" © Panoramaplus.al