Një gjykatë në Tarrant të Teksasit ka vendosur 55 vite heqje lirie dhe 21 mijë dollarë gjobë për reperin amerikan, Tay-K. 19-vjeçari u dënua për një vrasje që ka ndodhur në vitin 2016 dhe për grabitje të dhunshme.
Mediat amerikane shkruajnë se Taymor McIntyre u gjet fajtor për vrasjen e Ethan Walker, 21 vjeç, së bashku me gjashtë persona të tjerë. Të gjithë së bashku, kishin organizuar për të grabitur para dhe drogë në shtëpinë e viktimës.
Lidhur me këtë, Tay-K deklaroi se nuk ishte ai personi që kishte shkrepur armën, por gjykata e hodhi poshtë pretendimin e tij.
Kujtojmë se 19-vjeçari u bë i njohur me këngën “The Race”, e cila u bë pjesë e listës “Billboard Hot 100” dhe u certifikua me ‘Platinum’.
NDIQE LIVE "PANORAMA TV" © Panoramaplus.al