Doktori i “Fiks”-it, padi në Gjykatë për divorc nga bashkëshortja

Kuriozitete, Panorama Plus e Shtunë, Janar 28th, 2012

Pas 2 vitesh martesë, ndahen me mirëkuptim

Edhe pse nuk kishin organizuar ndonjë ceremoni dasme, Gentian Pjetri dhe Gerta e kishin celebruar lidhjen e tyre të dashurisë, ndërkohë që nisën të bashkëjetonin në një apartament në Tiranë. Pas komenteve të ndryshme për një krizë në lidhjen e Gentit me menaxheren nga Gjirokastra, tashmë faktohet se mes tyre gjithçka ka marrë fund. Në Gjykatën e Tiranës ata kanë depozituar të dy kërkesë- padi për zgjidhje martese, me nr.7626, e regjistruar më datë 24 janar 2012. Në këtë rast drejt Gjykatës janë drejtuar të dy, Gentian Pjetri dhe Gerta Pjetri, ndërkohë që kjo e fundit rezulton të ketë marrë mbiemrin e bashkëshortit gjatë celebrimit. Çështja do të gjykohet nga gjyqtari Altin Abdiu, kurse  Doktori i Fiksit, pas botimit të lajmit në faqet e “Panorama Plus”, bëri një lloj konfirmimi të këtij vendimi në jetën e tij, në spektaklin jubile në 10-vjetorin e “Top Channel”, ndërsa shkëmbente batuta me Saimirin. Nuk dihen arsyet se përse çifti vendos t’i japë fund martesës, por fakti që ata i janë drejtuar të dy Gjykatës, tregon se ata bëjnë një divorc me marrëveshje. Deri pak para dy vitesh, ajo quhej vajza enigmatike e Doktorit, ndërsa ishin parë të shoqëroheshin gjithnjë bashkë, ndonëse s’e kishin pranuar lidhjen e dashurisë mes tyre. Por pas daljeve të para në publik, ata vendosën të fejohen shumë shpejt. Gent Pjetri, i njohur si Doktori, e mori vendimin e rëndësishëm të jetës në maj të vitit 2009. Po atë kohë shkëmbyen unazat me Gertën, vajzën me origjinë nga Gjirokastra. Ditën e Pashkës ortodokse ata udhëtuan drejt qytetit të Gjirokastrës, për t’u takuar me familjen e Gertës, me të cilën kishte pak që njihej. Genti dhe Gerta janë gati moshatarë dhe janë njohur rastësisht në Tiranë, pas kthimit të saj nga Greqia. Ata vendosën të jetojnë shumë pak kohë pasi ishin fotografuar së bashku në publik më 18 tetor 2008, në një sfilatë mode të realizuar në hotel “Sheraton” në Ditën e lumturimit të Nënë Terezës. Bëri përshtypje fakti që Doktori u lidh me një vajzë jashtë botës së televizionit dhe jo nga Tirana. Doktori njihet prej vitesh për humorin e tij të veçantë. Karriera në radio dhe televizion fillon para 14 vitesh, që kur bashkë me Saimir Kodrën nisën emisionin “Radio Mania” , dhe ku Doktori hiqej si Arqile Boti. Kjo eksperiencë në radio filloi pasi ai ishte lançuar fillimisht si këngëtar me grupin e rokut “Centaur”. Prej tetë vitesh, ai drejton emisionin “Fiks Fare” së bashku me Saimirin.

Me shume nga kjo kategori:

• Intimiteti me Ermalin bezdis banorët, Françeska: Do bëj seks sa herë të dua
• Arjan Konomi: Nuk është detyrë e shtypit të ruajë imazhin e Sonit, ne vetëm ia renditëm të fejuarit
• Hermes Nikaj, pas pezullimit nga Aldo i rikthehet modelimit
• Agim Merdani: Nuk fusim në familje të panjohur, nuk dimë asgjë për Françeskën
• Noizy: Unë jam gangster i rritur rrugëve, ata janë rritur me babë e nënë
• Ornela Bregu: Si do rikthehem në ekran me një show gjigant
• Angela Martini pushton revistat e boksit në Turqi
• Ana tjetër e fshehtë e Gentës, prirja për sjellje lezbike
• Flet menaxheri: Me Aritën ndoshta një flirt, Lorik Cana është single
• Lori: Graciano më tërheq shumë, nuk besoj që është biseksual

tweet