Panik në Gjermani, lirohet gruaja e marrë peng. Zbardhet sherri mes çiftit

Oct 16, 2018 | 7:52
SHPËRNDAJE

Policia gjermane tha se një sulmues i armatosur në stacionin kryesor hekurudhor të Këlnit “është vënë nën kontroll” dhe se gruaja që e mori peng, është dërguar për trajtim mjekësor.

stacioni

Ajo ka marrë plagë të lehta në incident, ndërsa ai raportohet të ketë plagë serioze.

Policia e evakuoi plotësisht stacionin, i cili është një nga qendrat më të mëdha të transportit në Gjermani.

Mediat lokale thanë se incidenti nuk duket se është i lidhur me terrorizëm.

Më herët ka pasur raporte të pakonfirmuara për të shtëna me armë.

Policia, e cituar nga gazeta e përditshme Koelner Stadt-Anzeiger, tha se një çift ka qenë i perfshirë në incident dhe se burri është grindur me gruan në një restorant McDonald’s, përpara se ta mbante atë peng në një farmaci në stacion. Raportet flasin për të paktën një shpërthim gjatë incidentit.

Kompania hekurudhore Deutsche Bahn i anuloi ose shtyu shërbimet e trenave në Këln gjatë pengmarrjes. REL

NDIQE LIVE "PANORAMA TV" © Panorama.al

Te lidhura