Duket se pandemia nuk e ka zbehur atmosferën e ditës së parë të shkollës. Këto pamje do të ishin të zakonshme në kushte normale, por jo në kushtet e pandemisë, ku në Shqipëri çdo ditë rastet me Covid dhe numri i të vdekurve shtohet.
Pothuajse në të gjitha shkollat e kryeqytetit janë parë grumbuj nxënësish dhe prindërish, dikush me maska dhe dikush jo.
Prej ditësh janë bërë thirrje nga autoritetet që të respektohen masat dhe protokollet, por mesa duket këto apele kanë shkuar në vesh të shurdhër.
Edhe nga kryeministri Edi Rama u tha që nisja e vitit të ri shkollor do të sjellë edhe rritje të rasteve me COVID-19. Pritet për tu parë efekti që do të sjellë dita e parë e shkollës në përhapjen e virusit.
SHIKONI TË GJITHA FOTOT
NDIQE LIVE "PANORAMA TV" © Panorama.al