Dy persona janë plagosur pasi i ka zënë poshtë palma e rrëzuar sot në Durrës.
Siç e shihni edhe në fotot e siguruara nga korespondenti i Panorama, palma ka rënë në trotuar dhe aty duken njollat e gjakut të personave të lënduar që janë dërguar në spital.
Burime nga bluzat e bardha bëjnë me dije se të lënduarit janë jashtë rrezikut për jetën.
Ngjarja ka ndodhur në Bulevard pranë sheshit “Azem Hajdari” dhe kamerat e sigurisë kanë kapur edhe momentin kur pema bie mbi kalimtarët.
