Këto janë pamjet e frikshme të aksidentit me dy të plagosur në Maliq.
Në videot e siguruara nga korrespondentja e Gazeta Panorama, shihet që barriera mbrojtëse e rrugës ka kaluar mes për mes automjetit.
Mësohet se Audi është përplasur me bordurën anësore të rrugës dhe ka përfunduar në kanal.
Nga aksidenti kanë mbetur të plagosur dy persona, drejtuesi i makinës me iniciale I. C. dhe pasagjeri shtetasi Sh. C., të cilët u dërguan për mjekim në Spitalin e Korçës.
Raportohet se është dashur ndërhyrja e zjarrfikëses për të nxjerrë nga makina shoferin.
Maliq/Informacion paraprak
Më datë 25.06.2022, rreth orës 13:50, jemi njoftuar se në aksin rrugor Maliq-Pogradec, në afërsi të fshatit Gurishtë, Maliq, shtetasi I. C., duke drejtuar mjetin tip “Audi”, dyshohet se ka humbur kontrollin e mjetit dhe ka dalë nga rruga. Për pasojë kanë marrë dëmtime drejtuesi I. C. dhe pasagjeri shtetasi Sh. C., të cilët u dërguan për mjekim në Spitalin e Korçës.
Grupi hetimor po punon për sqarimin e rrethanave të ngjarjes dhe përcaktimin e shkaqeve të aksidentit.
NDIQE LIVE "PANORAMA TV" © Panorama.al
