“Paketa e parë nuk u vu në zbatim, por mos u pezmatoni”, Basha-mjekëve: Brenda kësaj jave t’i çojmë qeverisë një tjetër propozim! Zbardhen 10 pikat

| 19:09
SHPËRNDAJE
 

Kreu i Partisë Demokratike, Lulzim Basha në një takim me mjekët ka kërkuar që gjatë kësaj jave të punohet për të sjellë një tjetër propozim për qeverinë, sikurse ishte edhe paketa e parë ekonomike.

basha ekspertet pd

Basha thekson se ndonëse propozimi i i parë i PD nuk u mor parasysh nga qeveria, sepse në të kundërt nuk do të ishin në këtë pikë, i ka kërkuar mjekëve që të mos pezmatohen, por ta konkludojnë një tjetër propozim.

Kryedemokrati i ka bërë thirrje qeverisë që të ndalë çdo shpenzim dhe të ndihmojë mjekët, pasi neglizhenca apo anti-menaxhimi do të na kushtonin jo vetëm dëme në ekonomi e jetë sociale, por do të na kushtonin jetë njerëzish.

Çdo minutë që harxhohet na kushton jetë, shëndet dhe do të na kushtojë shtrenjtë edhe nga ana sociale.

Po ti kishim vënë veshin paketës së parë nuk do ishim këtu.

Nëse do ishte bërë një investigim i vërtetë i gjurmimit të rasteve nuk do të ishim në këtë situatë. Dua t’ju bëj thirrje me gjithë pezmatimin, lodhjen, rraskapitjen tuaj që të bëjmë një përpjekje tjetër për të rreshtuar prioritet e akute, t’i bëjmë një thirrje të lënë propagandën, të ndalin çdo shpenzim dhe ti dalim para kësaj të keqe të madhe.

basha ekspertet pd2

Erdhën edhe mjekët italianë këtu edhe e thanë qartë që mjekët i keni në nivel të mirë dhe shumë të mirë, dhe personelin shëndetësor, por këtu nuk bëhet fjalë për keqmenaxhim, pro anti-menaxhim.

Duke vlerësuar shumë punën e deritanishme, dua të konkludojmë me një propozim konkret ndoshta sot nuk është e mundur, por brenda kësaj jave. Le të mos shkurajohemi me faktin se propozimi i parë nuk u vu në zbatim.

Detyra jonë me mundësitë dhe rolin që kemi është ta themi fort fjalën tonë se çfarë duhet të bëjmë konkretisht”, tha Basha.

Propozimet konktrete për rivendosjen nën kontroll të pandemisë e cila do te marre forme perfundimtare deri ne fund te javes:

1- Fuqizimi i mjekut të familjes dhe pajisja e tij me protokolle mjekimi për pacientët që trajtohen në shtëpi.

2- Të përgatitet paketa e rimbursueshme “diagnostikim + mjekim” për pacientët që janë COVID pozitiv.

3- Investim në pajisjet laboratorike, diagnostikuese dhe trajtuese për pacientët.

4- Ngritjen e shtëpive komunitare për pacientët ambulatorë, që mund të marrin trajtimin ditor si dhe oksigjeno-terapinë. Në mungesë të tyre, të ngrihet shërbimi i kujdesit infermieror në shtëpi, i cili të paguhet nga Ministria e Shëndetësisë.
5- Rritjen e kapaciteteve testuese, minimumi me 5 herë, mesatarisht 2500 testime në ditë.

6- Rritjen e numrit të infermierëve në spitale, me qëllim rritjen e cilësisë së kujdesit shëndetësor për pacientët e shtruar në spital.

7- Vjeshta sjell edhe sezonin e gripit stinor, që do të mbivendoset me COVID-19 dhe do ketë problemet me diagnozën diferenciale (pra përcaktimin se çfarë ka pacienti) në sfondin e testimeve me pakicë.
Kjo do të kërkojë sigurimin e vaksinës anti-grip nga kompanitë prestigjoze dhe ofrimin falas për kategoritë në rrezik (moshat e treta, fëmijët e moshës 1-18 vjec, pacientët kronikë, etj)
8- Bashkëpunimin me vende të BE, Gjermaninë, Italinë por edhe me USA, për të siguruar vaksinën kundër COVID-19, një produkti cilësor, efikas dhe në kohë.

9- Testime masive dhe të rregullta të mësuesve.

10- Të sigurohen maska falas për mësuesit.

Te lidhura



Subscribe

      
             

Për t’u bërë pjesë e grupit të "Panorama" mjafton të klikoni: Join Group dhe kërkesa do t’ju aprovohet.
KOMUNITETI PANORAMA ONLINE: https://facebook.com/groups/panoramaonline/

 

S'KA KOMENTE

Comments are closed.