BLEONA METUSHI/ Gjykata e Tiranës zhvilloi seancën e parë në themel për turkun Selami Simsek, i arrestuar më vizë false me një shtetas tjetër turk të depërtuar. Në sallë ishte i pranishëm edhe një përfaqësues i ambasadës së Turqisë.
Simsek i qendron kërkesës së bërë në seancën parake për gjykim të shkurtuar.
Prokurorja e çështjes tha se Simsek u arrestua në flagrancë në korrik 2019 në Rinas, teksa po tentonte të udhëtonte nga Rinasi drejt Kanadasë me një vizë false.
Itenerari i tij ishte Rinas-Vjenë-Toronto. Pasaporta e tij turke ishte e rregullt, por viza false.
Në deklarimet e dhëna prej tij, ka pohuar se viza është vënë në Prishtinë, Kosovë. Ai ka paguar 5 mijë euro për këtë dokument përmes një të afërmi të tij tek një person që nuk e njeh.
Për këtë shkak, Simsek është marrë si i pandehur.
Gjykata pranon kërkesën për gjykim të shkurtuar. Për t’i dhënë kohë prokurorisë për përgatitjen e konkluzioneve përfundimtare shtyu seancën për në 27 janar, ora 10:00.
NDIQE LIVE "PANORAMA TV" © Panorama.al
