Padia e PS ndaj Berishës, Basha: Hakmarrje e Ramës për Shullazin e Frrokun

Apr 29, 2016 | 14:58
SHPËRNDAJE

Hakmarrje ndaj denoncimeve të ish-kryeministrit Berisha për lidhjet e qeverisë me bandat dhe kriminelët e ka quajtur kryeyari i PD-se, Basha, padine penale të bërë sot nga PS-ja.

basha deklarat1Në një postim në profilin e tij në FB, Basha shkruan se “Ne menyre primitive ka nisur te hakmerret. E nisi me Shullazin e u hakmorr ndaj Sali Berishës”.

Sipas Bashës, padia e sotme është hakmarrje primitive per ceshtjen Frroku, që sipas tij, Rama po mundohej ta fshihte.

Statusi i Bashes 

Edi Rama eshte ne hall te madh. Nje e nga nje po i bien “trimat” nga Mark Frroku tek Arben Ndoka, nga Emiliano Shullazi tek Arben Frroku. Vjedhjet po i dalin sheshit e askush nuk e beson me. Ne menyre primitive ka nisur te hakmerret. E nisi me Shullazin e u hakmorr ndaj Sali Berishës.
Sali Berisha denoncoi krimet e tij, ndërhyrjen për të kapur rektoratin, ndaj banda thirri byronë, dhe byroja veproi sipas paktit. Adjutanti ishte ai, vegla e Ramës për punët e pista. Taulanti.
Po sot, i njëjti adjutant-taulant u shfaq sërish, duke shërbyer një bandë tjetër të Edi Ramës, duke paralajmëruar një hakmarrje tjetër të krimit ndaj Sali Berishës. Se ju prishi planet për ta mbajtur të fshehtë ndalimin në Holandë të Arben Frrokut i dënuar me burgim të përjetshëm për vrasjen e komisarit Lamaj.
Ky eshte aksioni i përbashkët Shullazi Rama dhe Frroku Rama. A di ta dallojë ndokush ku mbaron banda e ku nis kryeministri? Asnjë fije e hollë nuk i ndan.
Këto janë klithmat e fundit të krimit në pushtet, sepse ora po afron. Sunduan tre vite, po koha mbaroi. Shqipëria dhe shqiptarët po ngrihen mbi krimin dhe lidhjet e tij me pushtetin.

NDIQE LIVE "PANORAMA TV" © Panorama.al

Te lidhura