Mediat në Greqi raportojnë se i dyshuari kryesor për vrasjen e dyfishtë në Loutraki ishte arratisur në Shqipëri. Sipas policisë, i dyshuari kryesor është ish-partneri shqiptar i 43 vjeçares, i cili ishte arrestuar dhe dënuar për grabitje dhe drogë.
Tre vjet më parë ai u lirua nga burgu dhe kishte një lidhje me Fotinin. Ai ishte shumë xheloz ndaj saj dhe kur ata u divorcuan, disa muaj më parë, ai filloi të bënte kërcënime.
“Ose unë ose askush” mësohet se i ka dhënë shqiptari gruas.
45-vjeçari, ndërsa po përpiqej të shpëtonte, u arrestua nga policia në Agrinio. Ata e kontrolluan atë dhe menjëherë më pas e lanë të lirë pasi vrasja brutale nuk ishte zbuluar ende.
Më shumë gjasa, shkruajnë mediat, ai arriti të kalonte kufirin për në Shqipëri, ku edhe mendohet se u strehua.
