Një grup kriminal trafikantësh droge është shkatërruar nga policia italiane gjatë një operacioni ndërkombëtar mes Italisë, Spanjës dhe Shqipërisë.
Gjykata e Milanos ka lëshuar urdhërarreste për 38 persona, saktësisht 31 shqiptarë, pesë marokenë dhe dy tunizianë të akuzuar për trafikimin e drogës.
Mediat italiane bëjnë me dije se janë sekuestruar 130 kg drogë, duke përfshirë heroinë dhe kokainë, dhe 300 mijë euro kesh.
Hetimet janë kryer nga policia e Milanos së bashku me policinë shqiptare, gjermane dhe spanjolle.
Në shkurt të vitit 2014, policia italiane kishte kapur 42 kg heroinë gjatë një kontrolli rutinë.
Këto hetime më pas u pasuan nga Njësia Hetimore, e cila pikasi ekzistencën e një grupi kriminal, me degëz në të gjithë Italinë veriore dhe Shqipëri, që importonte sasi të mëdha heroine dhe kokaine nga “Toka e Shqiponjave”.
Policia ka identifikuar furnizuesit shqiptarë të drogës dhe korrierët e tyre që thuhet se e mbanin drogën me makinë të modifikuar posaçërisht për këtë punë që të mos dalloheshin nga policia.
Emrat e të arrestuarve nuk bëhen me dije ende.
NDIQE LIVE "PANORAMA TV" © Panorama.al