Policia e Tropojës ka realizuar një aksion antitrafik për armët ditën e sotme në Tropojë, i cili është finalizuar me një të arrestuar.
Operacioni i koduar “Ura e Bujanit” ka vënë në pranga shtetasin Binak Gjoçaj, banues në Llugaj të Tropojës.
Ai u kap në flagrancë nga Policia me një armë zjarri automatik dhe me një mitraloz të lehtë, të cilat i kishte fshehur në një thes pranë banesës.
Mbi bazën e informacioneve të marra në rrugë operative nga ana e Policisë , rezulton se armët e zjarrit, ky shtetas i kishte përgatitur për t’i shitur .
Gjatë kontrollit të ushtruar në banesë iu gjetën dhe iu sekuestruan dhe një armë gjahu, një sasi e konsiderueshme fishekësh dhe municionesh luftarake.
NDIQE LIVE "PANORAMA TV" © Panorama.al