Obama, vizitë historike në Hiroshimë: Nuk kërkoj falje

May 27, 2016 | 10:54
SHPËRNDAJE

Presidenti Barack Obama ka vizituar sot Hiroshimën, që është vizita e parë e një presidenti në zyrë i Shteteve të Bashkuara, që qëndron në vendin ku është hedhur bomba e parë atomike në botë.

obama hiroshime

Pas samitit të grupit të shtatë fuqive ekonomike, i njohur me shkurtesën G7, në Japoni, zoti Obama vendosi kurorë lulesh në monumentin ku flaka e përhershme i përkujton njerëzit e vrarë në Hiroshimë.

Zoti Obama u shoqërua nga personat që i mbijetuan sulmit.

Presidenti Obama ka thënë se kjo vizitë paraqet nderim ndaj të gjithë atyre që vdiqën në Luftën e Dytë Botërore, dhe theksoi se nuk do të kërkojë falje për hedhjen e bombës.

Më 6 gusht të vitit 1945, në aeroplan luftarak amerikan, i tipit B-29, e ka hedhur bombën atomike 15-kilotonëshe në Hiroshimë, duke i vrarë menjëherë afro 80 mijë njerëz.

Ky sulm dhe ai i dyti në Nagasaki, tri ditë më vonë, konsiderohet se kanë luajtur rol vendimtar për përfundimin e Luftës së Dytë Botërore.

NDIQE LIVE "PANORAMA TV" © Panorama.al

Te lidhura