Shqetësuesi i ka quajtur kryeministri i vendit, Ramush Haradinaj aksidentet me fatalitet që kanë ndodhur kohën e fundit në Kosovë, raporton “Zëri.info”.
Këto shqetësime ai i ka shprehur përmes një shkrimi në “Facebook”, ku edhe ka gjetur rastin të shpreh ngushëllime për familjarët e të aksidentuarve në Gllarevë të Klinës.
Ai po ashtu u ka bërë thirrje të gjithëve për kujdes në komunikacion dhe për respektim të shenjave të trafikut.
Ja shkrimi i plotë i tij:
Shqetësues fakti i aksidenteve me fatalitet që po ndodhin në Kosovë. Familjarëve të të aksidentuarve që humbën jetën, sot, në Gllarevë të Klinës, u shpreh ngushëllimet më të sinqerta.
Ju bëj thirrje të gjithëve për kujdes të shtuar gjatë vozitjes dhe respektim të rregullave të komunikacionit, kurse nga policia e vendit zbatim të ligjeve.
NDIQE LIVE "PANORAMA TV" © Panorama.al
