Pas lajmeve të publikuara ditën e sotme në disa media shqiptare, ku citohet se ekspertiza mjekoligjore e Kostandin Kacifas vërteton se ai ka vrarë veten dhe nuk ishte RENEA, ajo që shtiu drejtë tij, ka sjellë reagimin e mediave greke.
Protothema shkruan:
Duke cituar raportin mjekoligjor, mediat shqiptare ia atribuojnë vetëvrasjen Kostandin Kacifas.
Sidoqoftë, që në tetor të vitit 2019 “protothema” do të shkruante se autoritetet shqiptare po gatuajnë diçka dhe do mundohen ta paraqesin vdekjen e 35-vjeçarit, si vetëvrasje.
Sipas mediave shqiptare, duke përmendur hetimet e Prokurorisë së Tiranës, Konstantin Kacifas nuk u qëllua nga Forcat Speciale Shqiptare, por kreu vetëvrasje, pasi sipas raportit mjekoligjor të dy plumbat e gjetur një në pjesën e nofullës dhe një në gjoks janë ata që tregojnë se ai i dha fund jetës së tij, sepse thirrjet për pazare nga ana e policisë ishin joefektive dhe nuk arritën ta neutralizonin atë, në mënyrë që të mos lëndoheshin as vetë.
Gjuajtja e plumbit nga nofulla drejt lartë është perceptuar sipas raportit nga presioni që ai vetë shkaktoi.
Ndërsa nga këqyrja e armëve të policisë nuk rezultoi asnjë gjurmë e ndonjë aksioni të shtënash dhe përkrah trupit të pajetë të Katsifa, u gjet pushka e tij automatike, si dhe disa kalibra, ndoshta nga vetë arma.
Gjetjet zyrtare të Prokurorisë Publike të Gjirokastrës priten në muajt e ardhshëm.
Sidoqoftë, avokati i familjes, Nauridis, argumentoi se Zyra e Prokurorit Publik të Gjirokastrës mohoi raportet dhe tha se ishte një lajm i rremë.
Sjellim në vëmendje se Konstantinos Katsifas humbi jetën në prag të përvjetorit kombëtar të 28 tetorit 2018, gjatë një operacioni policor shqiptar në fshatin Bularat, Shqipëri.
Çështja ngjalli reagime të forta në Greqi, me Athinën që kërkoi një zgjidhje të menjëhershme të vdekjeve të mërgimtarëve Grekë. Sidoqoftë, autoritetet gjyqësore greke po kryejnë gjithashtu një hetim paralel.
NDIQE LIVE "PANORAMA TV" © Panorama.al
