“Nuk mund të humbasim kohë”/ Kryeministri Italian prezanton shtrëngimin e masave anti-Covid: Mbyllen sheshet. Çfarë do të ndodhë me lokalet

| 22:50
SHPËRNDAJE
 

Italia ka njoftuar masa të reja shtesë për të penguar përhapjen e koronavirusit. Në një konferencë për shtyp, kryeministri Giuseppe Conte ka autorizuar kryetarët e bashkive dhe komunave të mbyllin vendet publike pas orës 21:00.

conte itali

Disa nga masat e marra nga qeveria italiane janë:

-Mbyllja në orën 18.00 e të gjitha lokaleve, bareve dhe pubeve.

-Mbyllja në orën 24.00 e lokaleve e restoranteve. Lejohen vetëm 6 persona në tavolina dhe një numër maksimal i përcaktuar paraprakisht i klientëve në lokal.

-Shkollat nuk do të mbyllen, por për nxënësit e ciklit të lartë dhe studentët hyrja në shkollë do të bëhet me turne dhe gjimnazet rekomandohen të kryejnë mësimin online.

-Nuk lejohet mbajtja e kongreseve dhe organizimi i panaireve. Lejohen vetëm konferenca me rëndësi kombëtare.

-Administrata publike duhet zhvillohet mbledhje vetëm në telekonferenca.

Kryeministri Conte tha në një fjalim televiziv të Dielën në mbrëmje: “Ne nuk mund të humbasim kohë, ne duhet të vendosim masa për të shmangur një bllokim të përgjithësuar, i cili mund të kompromentojë rëndë ekonominë.”

Këto masa të ndërmarra nga qeveria italiane erdhën pas rritjes së rasteve në dy ditët e fundit.

Këtë të dielë, në Itali u regjistruan 11.705 raste të reja.

Italia ishte kombi evropian më i goditur në fillim të pandemisë. Deri tani ka regjistruar 414,000 raste të konfirmuara të koronavirusit. Ndërsa kanë humbur jetën 36,500 persona.

Te lidhura



Subscribe

      
             

Për t’u bërë pjesë e grupit të "Panorama" mjafton të klikoni: Join Group dhe kërkesa do t’ju aprovohet.
KOMUNITETI PANORAMA ONLINE: https://facebook.com/groups/panoramaonline/

 

S'KA KOMENTE

Comments are closed.