“Nuk kam lidhje me asnjë kriminel dhe as me oligarkinë ”- Basha u përgjigjet të rinjve në Vlorë për cilësitë që do ta bëjnë një kryeministër të mirë

Nov 7, 2019 | 18:03
SHPËRNDAJE

“Nuk kam lidhje me asnjë kriminel dhe nuk jam mbështetur kurrë tek kriminelët për pushtetin tim apo të partisë sime”, kështu u shpreh kreu i PD-së, Luzlim Basha, ndërsa u pyet për cilësitë që do ta bëjnë atë një kryeministër të mirë.

Në një takim me të rinjtë në Vlorë, Basha tha se PD ka bërë një betejë 6 vjeçare kundër krimit, ndërsa theksoi se nuk ka asnjë lidhje me oligarkinë.

basha

Çfarë kam unë ndryshe? Është e vështirë të flasësh për veten, por e kam për detyrë ta shpjegoj, përderisa e kërkoj këtë përgjegjësi. E kam për detyrë t’ju them se ndryshe nga ky që qeveris sot, unë nuk kam lidhje me asnjë kriminel dhe nuk jam mbështetur kurrë tek kriminelët për pushtetin tim apo të partisë sime.

Përkundrazi! Ne kemi bërë një betejë 6 vjeçare kundër krimit dhe kemi fituar disa segmente të kësaj beteje, si ç është për shembull ligji për dekriminalizimin, që ka nxjerrë shumë pushtetarë nga parlamenti, nga bashkitë. I fundit ishte ky i Vorës.

Unë nuk kam asnjë lidhje me oligarkinë.  Përkundrazi! Unë dhe partia ime kemi një plan për ta  çarmatosur oligarkinë nga instrumentat me të cilat kap shtetin dhe pushtetin dhe, pastaj, vjedh dhe grabit pasuritë e shqiptarëve, siç kemi edhe hstë një plan për t’u marrë  çdo qindarkë që i kanë marrë nga taksat tuaja dhe për t’jua rikthyer ju”, tha Basha.

NDIQE LIVE "PANORAMA TV" © Panorama.al

Te lidhura