Nuk ka çelje negociatash për Shqipërinë dhe Maqedoninë e Veriut! S’ka dakordësi për Konferencën e Parë Ndërqeveritare

Jun 22, 2021 | 18:30
SHPËRNDAJE

Sërish nuk ka çelje negociatash për Shqipërinë dhe Maqedoninë e Veriut. Lajmin e bëri të ditur Sekretarja e Shtetit për Çështjet Europiane të Portugalisë, Ana Paula Zacarias, shtet i cili mban edhe Presidencën e radhës të BE. 

paula

Shkak është bërë veto-ja e vendosur nga Bullgaria për Maqedoninë e Veriut, nga e cila u prek edhe Shqipëria. Këtë herë të gjitha vendet ishin pro hapjes së negociatave për Shqipërinë, madje dhe Holanda, e cila dha ‘Ok’ para disa ditesh.

Zacarias u shpreh se pavarësisht përpjekjeve nuk u arrit dakordësia për mbajtjen e Konferences se Parë Nderqeveritare.

”Ne e nisëm ditën me bisedimet për zgjerimin. Fatkeqësisht, pavarësisht të gjitha përpjekjeve tona, ishte e pamundur që të arrijmë një dakordësi për mbajtjen e kornizën e negociatave dhe mbajtjen e Konferencës së Parën Ndërqeveritare për Shqipërinë dhe Maqedoninë e Veriut. Ne shpresojmë se presidenca sllovene do të mund të arrijnë në përcaktimin e datës. Perspektiva evropiane e Ballkanit Perëndimor është një pjesë jetike e Bashkimit Evropian”, tha nder te tjera Zacarias.

Me heret Ministri gjerman për Europën, Michael Roth u shpreh kundër bllokimit të këtij procesi me dy shtetet ballkanike.

Bëhet fjalë për besueshmërinë e Bashkimit Europian në Ballkanin Perëndimor. Në Këshillin e ministrave të BE-së do të diskutohet për fillimin e shpejtë të bisedimeve për integrimin e Shqipërisë dhe Maqedoninë e Veriut. Nuk e kuptoj pse vendimet e domosdoshme duhet të bllokohen nga konfliktet dypalëshe“.

Fakti se Shqipëria i ka përmbushur kriteret për negociatat u konfirmua në fillim të mbledhjes nga përfaqësuesit e vendeve anëtare.

© Panorama.al

Te lidhura


Subscribe

      
             

Për t’u bërë pjesë e grupit të "Panorama" mjafton të klikoni: Join Group dhe kërkesa do t’ju aprovohet.
KOMUNITETI PANORAMA ONLINE: https://facebook.com/groups/panoramaonline/