“Nuk jam këtu të më këndohet nuk i lëvizi qerpiku”- Basha nga Kurbini: Më lëviz kur prekem nga e keqja dhe zemërohem nga e liga

Jan 20, 2022 | 16:18
SHPËRNDAJE

Kreu i PD-së Lulzim Basha nga Kurbini ka shprehur zemëratën e tij për atë që ndodhi në komisionin hetimor parlamentar të inceneratorëve. Basha tha se mazhoranca “nuk pranon të hetohet “se e dinë që ajo që ka nisur me bishtin do përfundojë me kokën e vërtetë të qeverisë që është koka e korrupsionit e duhet të jetë para drejtësisë një orë e më parë”.

“I palëkundur qendroj në krye të kësaj beteje ku më keni vendosur jo se dua të demonstroj kryenecësi apo trimëri apo të më këndohet nuk i lëvizi qerpiku.

Më lëviz qerpiku kur shoh vuajtjet e nënave që nuk kanë ushqim për fëmijët e tyre kur shoh shtëpitë e shqiptarëve pa ngrohje në këtë dimër të acartë dhe ana ana tjetër shoh qindra milionë euro në incenerator, më lëviz kur prekem nga e keqja dhe zemërohem nga e liga që nuk pranon të hetohet në komisionin parlamentar të inceneratorëve se e dinë që ajo që ka nisur me bishtin do përfundojë me kokën e vërtetë të qeverisë që është koka e korrupsionit e duhet të jetë para drejtësisë një orë e më parë”

“E mira është që demokratët janë vetëdijesuar se vija e kuqe ndarëse e asaj që është shumica e padiskutueshme dhe një pakice qe kanë përfituar gjithmonë në kurriz të është dhuna. E ai është shërbëtor i atij që kemi përballë.

Besoj i keni dëgjuar mesazhet e aleatëve tanë. Nuk kanë nevojë për përkthim. Duan që shqiptarët të zgjedhin të ardhmen. Duan dhe presin që të jenë në krahun tonë kur PD të qeverisë vendin me përgjegjësinë që i takon që do sjellë demokracinë dhe shtetin e të drejtës e të të gjithë shqiptarëve jo të një pakice.

Mesazhi i tyre është i qartë: Mezi presim të jemi krah Partsë Demokratike forcë qeverisëse. E dinë se nga kjo stohi e cila goditi brigjet tona por do shtrihet anë e mbanë Ballkanit për të rrëzuar pemët e kalbura të korrupsionit e për ta bërë një zonë ku njerëzit jetojnë njësoj si në vendet e tjera të Europës. Nëse beteja nuk fitohet këtu ku do të fitohet?

Ndaj edhe ne duhet të jemi të vendosur me një qëllim që na bashkon, demokratët e vërtetë janë të bashkuar në qëllim, janë gati të bëjnë çdo sakrificë për shqiptarët, familjet e fëmijët e tyre që të largojmë sa më parë regjimin e Edi Ramës e të sjellin ndryshimit. Parakusht është të mos mbetemi peng i të shkuarës”, tha Basha nder te tjera.

NDIQE LIVE "PANORAMA TV" © Panorama.al

Te lidhura