Profesori i njohur Pëllumb Pipero thotë se e vetmja mundësi për ta përballuar koronavirusin është qëndrimi në shtëpi si e vetmja armë që qytetarët kanë në dorë për sa kohë nuk ka vaksinë dhe ilaç për luftimin e tij.
I ftuar në “News 24”, Pipero u shpreh se pandemia nuk ka arritur ende kulmin dhe se ky virus eklipson jo vetëm shëndetësinë por edhe ekonominë.
Pipero: Nuk është lojë, është një pandemi me shumë të panjohura. Duhet kohë të vërtetojmë qëndrueshmërinë e luftës. Na duhet kohë të kuptojmë nëse është fituar kjo betejë. Unë them tre katër muaj, pak më shumë apo pak më pak. Ky virus mund të rikthehet prapë me ndryshime gjenetike. Ende nuk kemi një vaksinë dhe një kurim antiviral. Sa kohë nuk kemi dy armët kryesore, e vetmja armë që kemi është kujdesi. Kaq gjë mund të bëjnë qytetarët. Sa më pak të sëmurë të ketë, aq më shumë kapacitete do të kemi. Shtimi i rasteve si në Itali, tejkalon çdo plan të mundshëm. Po rrezikon edhe Spanja. Ky lloj virusi ekslipson jo vetëm shëndetësinë por edhe ekonominë. Nëse na dëgjojnë dhe kufizojnë lëvizjet dhe rrinë në shpi do ta tejkalojmë më lehtë. Edhe sot është vonë. Gjithmonë jemi në kohë për të marrë masat e nevojshme. Dhe këtu nuk jemi në simetri më mirë vonë se kurrë, unë them më mirë dje se sot. Në raport me situatën jemi ende në kohë për ta përballuar me numra.
NDIQE LIVE "PANORAMA TV" © Panorama.al
