Takimi i Bora Zemanit dhe Donald Veshaj në shtëpinë e “Big Brother VIP” pas pesë muaj të ndarë, bëri xhiron e rrjetit. Ish-çifti jo vetëm që pranuan të takohen, por shkëmbyen edhe një puthje në buzë para të gjithë shqiptarëve, duke nënkuptuar se janë ende të dashuruar me njëri-tjetrin, pavarësisht mosmarrëveshjeve mes tyre.
Para se të largohej, Bora i tha aktorit se kjo histori nk mbyllet kështu, sepse kanë shumë gjëra për të diskutuar pasi të dalë nga shtëpia më e famshme në Shqipëri.
Ndërkohë, ditën e sotme, moderatorja ka terguar gjatë “Për’puthen” se si është ndjerë pas atij momenti.
“Ishin shumë emocione të bukura realisht. Ka qenë fundi i javës shumë emocionues, ajo dalja në ‘Big Brother’, ku u përcollën mesazhe të forta dashurie e nuk është e rëndësishme që këto mesazhe të jenë vetëm për partnerin, por dhe për shoqen e ngushtë.
Në fakt, megjithëse u bë historia publike, po ndaj diçka tjetër. Mua nuk mu mbyll e premtja aty. Gjatë bisedës me Semin përmendëm shoqen tonë tjetër të ngushtë, Aulona, e cila po priste bebin të vinte gjatë kësaj jave. Nga emocionet e forta i filluan dhimbjet e lindjes që atë natë dhe po atë mbrëmje lindi. Kshtu që ishte gjë e bukur për të gjithë ne.
Kam shumë pikëpyetje vetë Arjan. Deri diku e prisja që do ngacmohesha dhe për këtë pjesë, por që do shkonte deri në atë pikë nuk e prisja. Mos më vër në siklet se nuk i kam shumë përgjigje akoma”,- tha Bora Zemani.
Donaldi ka treguar se është shumë i turbullt dhe nuk e di nëse do të rikthehet me Borën, por ka deklaruar gjithasht se moderatorja është “femra që ka dashur më shumë gjithë jetën”.
