Shqipëria do të përballet ditën e diel ndaj Francës, në sfidën e vlefshme për eliminatoret e Europianit. Ky do të jetë një moment historik për futbollin shqiptar, pasi do të inagurohet edhe stadium i ri Kombëtar. Një impiant modern me një kapacitet prej 21 mijë e 690 vendesh! Nga 17 nëntori dhe në vazhdim të gjithë tifozët do të kenë mundësinë t’i shikojnë ndeshjet në një mjedis modern.
Në këtë ditë historike për futbollin shqiptar, nuk do të mungojë as presidenti i UEFA-s, Aleksander Ceferin, i cili do të jetë një nga të ftuarit e nderit. Ai shprehet i lumtur që Tirana ka një stadium që publiku shqiptar e meriton vërtetë.
“Në mënyrë që futbollit të mbetet popullor dhe të tërheqë sa me shumë të rinj në stadiume, është e domosdoshme që tifozët të kenë mundësinë që t’i shikojnë ndeshjet në një ambient të sigurtë dhe të rehatshëm. Stadiumi “Air Albania” është një xhevahir i vërtetë dhe do të doja t’i shprehja përgëzimet e mia Federatës Shqiptare të Futbollit dhe aktorëve të tjerë që janë përfshirë në mbikëqyrjen dhe përfundimin e kësaj arene të mrekullueshme” u shpreh Ceferin.
PANORAMASPORT.AL
NDIQE LIVE "PANORAMA TV" © Panorama.al
