Një humbje jete/ Ministria e Shëndetësisë publikon shifrat: 62 qytetarë të infektuar me koronavirus

Sep 6, 2022 | 18:17
SHPËRNDAJE

Një person ka humbur jetën si pasojë e koronavirusit në vendin tonë. Sipas ministrisë së Shëndetësisë, në 24 orët e fundit janë kryer 294 testime dhe kanë rezultuar pozitiv 62 qytetarë.

koronavirusi-infektivi-urgjenca-820x579-1-500x3531-500x353-500x3531-500x3531-500x3531-500x353

Ndërsa janë shëruar 415 paciente, të cilët kanë qenë më parë të infektuar. Ministria e Shëndetësisë i bën sërish thirrje qytetarëve të mos neglizhojnë vaksinimin anticovid, veçanërisht në këtë periudhë të afrimit të vjeshtës, për të kufizuar rrezikun e përhapjes së infeksionit.

“Vaksinimi anticovid kryhet në qendrat shëndetësore në të gjithë vendin. Gjithashtu MSHMS apelon të gjithë qytetarët e vaksinuar, që të drejtohen në qendrat shëndetësore, për t’u vaksinuar me dozën përforcuese. Vaksinat antiCOVID reduktojnë mundësinë e infektimit dhe shmangin në shkallë të lartë hospitalizimet dhe fatalitetet.

Nëse keni shenja të sëmundjes apo keni patur kontakt me një person të prekur nga Covid19, izolohuni menjëherë dhe kontaktoni mjekun tuaj të familjes për t’u testuar sa më parë ose telefononi Urgjencën Kombëtare në numrin unik 127”, thuhet në njoftim.

SITUATA NË 24 ORË

Ju informojmë për situatën në 24 orët e fundit, si vijon: Janë kryer 294 testime, nga të cilat kanë rezultuar pozitivë me COVID19, 62 qytetarë, në këto bashki:

19 në Tiranë, 6 në Lushnje, 5 në Gjirokastër, 4 në Lushnje, nga 3 Durrës, Dibër, Himarë, Gramsh, Devoll, nga 2 Vlorë, Kavajë, Tepelena, nga 1 Shkodër, Lezhë, Divjakë, Mallakastër, Selenicë, Sarandë, Kolonjë.

Janë 1,861 qytetarë aktivë me Covid19 në të gjithë vendin.

Aktualisht në spitalin COVID3 po marrin trajtim 16 pacientë. Në 24 orët e fundit ka 1 humbje jete me Sars-Cov2: një qytetar nga Tirana 88 vjeç.

Janë shëruar 415 qytetarë gjatë 24 orëve të fundit, duke e çuar numrin e të shëruarve në 323,692 që nga fillimi i epidemisë.

Statistika (6 Shtator 2022)
Raste të reja ditore 62
Të shëruar në 24 orë 415
Të shtruar në spitale 16
Humbje jete në 24 orë 1
Testime ditore 294

Testime totale 1,966,374
Raste pozitive 329,137
Raste të shëruara 323,692
Raste Aktive 1,861
Humbje jete 3,584

Shpërndarja gjeografike e rasteve aktive sipas qarqeve:

Tiranë 855
Shkodër 184
Fier 172
Elbasan 163
Durrës 118
Korçë 100
Vlorë 92
Gjirokastër 54
Berat 49
Dibër 45
Lezhë 24
Kukës 5

NDIQE LIVE "PANORAMA TV" © Panorama.al

Te lidhura