Presidenti Bujar Nishani ka dekretuar sot emërimin e tre ambasadorëve shqiptarë në Kuvajt, Turqi dhe Itali.
Sipas presidencës mësohet se me dekretin e Nishanit, Genti Gazheli, ish-Drejtor i Përgjithshëm i Drejtorisë së Parandalimit të Pastrimit të Parave emërohet ambasador në Republikën e Turqisë, rezident.
“Ai emerohet dhe në Republikën e Azerbajxhanit, në Republikën Islamike të Iranit, Republikën e Kirgistanit, Republikën Islamike të Pakistanit dhe në Republikën e Gjeorgjisë, jorezident”- thuhet në dekretin e kreut te shtetit.
Ndërkohë në Kuvajt Nishani ka dekretuar Saimir Balen. “Saimir Bala, emërohet në detyrën e ambasadorit të Jashtëzakonshëm dhe Fuqiplotë të Republikës së Shqipërisë në Shtetin e Kuvajtit, rezident”- theksohet ne dekret.
Po sot, Presidenti Nishani dekreton emërimin e Anila Bitrit, ambasadore në Republikën e Italisë, rezidente, si dhe në Republikën e Maltës, në Republikën e San Marinos dhe pranë Organizatës Ndërkombëtare të Bujqësisë dhe Ushqimit “FAO”, jorezidente.
