Interi dhe Roma po punojnë për një shkëmbim të dyfishtë i cili do të sillte në Milano, mbrojtësin Alesandro Florenci dhe do të dërgonte në Romë Ivan Perisiç.
Sipas ‘’Il Messaggero’’, gjithçka ka nisur nga një dëshirë e Interi dhe vullneti i Florencit, i cili pas një viti e gjysmë huazim tek PSG-ja dhe Valencia nuk kërkon të kthehet më në Romë. Nga ana tjetër, Perisiç është dëshirë e vjetër e Murinjos që në kohën kur ky i fundit drejtonte Mançester Junajtid.
Një tjetër element që e bën këtë operacion të vlefshëm është dhe paga e lojtarëve, të dy fitojnë mesatarisht 4 milionë euro në sezon. Bisedimet kanë filluar, dhe shumë shpejt priten të reja nga kjo tratativë pasi të gjitha kushtet ekzistojnë për një finalizim.
PANORAMASPORT.AL
NDIQE LIVE "PANORAMA TV" © Panorama.al
