Ngjarjet në Bularat, lirohen 12 të shoqëruarit. Do procedohen të lirë

SHPËRNDAJE

UPDATE/ Lihet te lire 12 personat e shoqëruar mbrëmjen e djeshme në Policinë e Gjirokastrës. Vendimi eshte marre pas mesanate, kohe pas se ciles ata jane lene te lire. 

Mësohet se ata janë lënë të lirë rreth orës 2:00, nderkohe qe procedimi i nisur ndaj tyre do te vijoje ne gjendje te lire.

Mes te ndaluarve qe u liruar eshte edhe Babis Karathano. mbi te cilin rëndon akuza kalim të paligjshëm të kufirit, ndërsa për 11 të tjerët nxitje të urrejtjes dhe organizime të paligjshme të tubimeve masive.

Ngjarjet në Bularat, reagon Policia: Janë shoqëruar 12 persona, pala greke është treguar…

Policia e Shteti ka reaguar për ngjarjet në Bularat, dhe bën me dije se  ka shkuar në 12 numri i të arrestuarve për thirrjet raciste.

Në një njoftim për mediat, policia shkruan “Si rezultat i kontrolleve, nuk u është lejuar hyrja  në Shqipëri për 44 qytetarë grekë, të cilët janë kthyer mbrapa, pasi disponoheshin të dhëna se ata mund të krijonin incidente në fshatin Bularat. Gjithashtu, gjatë verifikimeve janë evidentuar dhe proceduar penalisht për nxitje të urrejtjes, dy shtetas, të cilët mbanin me vete banderola dhe uniforma që nxisnin urrejtjen”.

policia-e-shtetit-800x447_1

POSTIMI I PLOTË

Gjatë mesditës së sotme, në fshatin Bularat të Bashkisë Dropull, Gjirokastër u zhvillua ceremonia mortore e të ndjerit K.K.

Policia e Shtetit, për të garantuar mbarëvajtjen e ceremonisë mortore, si dhe shmangjen e incidenteve të mundshme që mund të lindnin nga prezenca e personave me prirje ekstremiste, mori një sërë masash parandaluese.

Në Pikën e Kalimit të Kontrollit Kufitar Kakavije, Policia ka kryer kontrolle të imtësishme të personave, të cilët vinin nga Greqia për të marrë pjesë në ceremoninë mortore në Bularat.

Si rezultat i kontrolleve, nuk u është lejuar hyrja  në Shqipëri për 44 qytetarë grekë, të cilët janë kthyer mbrapa, pasi disponoheshin të dhëna se ata mund të krijonin incidente në fshatin Bularat.

Gjithashtu, gjatë verifikimeve janë evidentuar dhe proceduar penalisht për nxitje të urrejtjes, dy shtetas, të cilët mbanin me vete banderola dhe uniforma që nxisnin urrjetjen.

Gjatë ceremonisë mortore, janë evidentuar  elemente që kanë shpërdorur ceremoninë për qëllime propagandistike ekstremiste.

Në përfundim të ceremonisë nga ana e Policisë janë shoqëruar në ambjentet e Drejtorisë Vendore të Policisë Gjirokastër 12 shtetas.  Ndaj personave të shoqeruar po kryhen veprimet e nevojshme proceduriale nga Prokuroria.

Theksojmë faktin mes Policisë së Shtetit dhe Policisë Greke ka pasur një bashkëpunim mjaft të mirë për parandalimin e hyrjes së personave me prirje ekstremiste.

Policia Greke kishte marrë masa shtesë në Kakavijë dhe është treguar bashkëpunuese me Policinë Kufitare të Kakavijes.

***

Shkon në 9 numri i të shoqëruarve grekë në komisariatin e Gjirokastrës, mes tyre edhe Karathanos

Shkon në 9 numri i të shoqëruarve deri tani në policinë e Gjirokastrës. Mes tyre edhe Babis Karathano, pjesë e Agimit të Artë. Sipas informacioneve të marra nga gazetarja e “Panorama”, Brikena Metaj, mësohet se të shoqëruarit po merren në pyetje për verifikim dokumentacioni.

Sakaq, në polici ka shkuar edhe kryetari i PBDNJ, Vangjel Dule, për të kërkuar sqarime.

c2d0ae33-51b1-4f02-9d26-7937820cb222

18:50/ Pas thirrjeve anti-shqiptare në Bularat të Gjirokastër, polica ka shoqëruar dy persona, të cilët po verifikohen nga kanë hyrë në territorin e Shqipërisë.

Nëse kanë hyrje të rregullt do lejohen të vijojnë. Po kanë hyre ilegalisht do procedohen penalisht për kalim të paligjshëm të kufirit, thonë burimet nga Policia e Gjirokastër.

WhatsApp Image 2018-11-08 at 13.02.14

Ndërkohë emrat e të proceduarve nuk janë bërë të ditur. Për këtë ngjarje kanë raportuar dhe mediat greke të cilat shkruan se në Policia janë shoqëruar 4 drejtues të lartë të komunitetit grek në Epirin e Veriut, janë marrë në pyetje nga policia shqiptare.

Mësohet se ata janë Bobby Karathano- Kryetar i Asociacionit Qendror të Epirit të Veriut, Thoma Stefos ish-anëtare e Këshillit të Përgjithshëm DEEEM Omonia, Christos Ntoutsi – Ish Zyrtari i Qarkut Upper Dropoli, Andrea Kourtis, Drejtori Komuna Heliopolis.

Te lidhura

 

S'KA KOMENTE

Comments are closed.