Nga produktet e qumështit deri tek sheqeri, këto janë shtatë ushqimet që nuk duhet t’i konsumoni në dimër

Nov 21, 2020 | 10:55
SHPËRNDAJE

Produktet e freskëta dhe me lëng mund të duken si një mundësi e shkëlqyeshme për t’i konsumuar gjatë ditëve të dimrit, megjithatë, duhet të kemi parasysh se në këto muaj të ftohtë, shumica e tyre transportohen nga rajone të ngrohta.

Gjatë këtij procesi, karakteristikat e tyre të dobishme mund të veniten, duke i lënë me pak ose aspak vlera ushqyese.

“Bright Side” ka krijuar një listë me disa ushqime që janë më mirë të lihen mënjanë deri në stinët e ngrohta.

ushqimet (4)

Asparagus

Koha më e mirë për të provuar asparagusin është pranvera, stina e saj natyrale. Në dimër, ata transportohen nga Peruja ose Kina. Gjatë kësaj periudhe jo vetëm që shija dhe struktura fillojnë të zbehen, por edhe vitaminat zhduken. Shumë elementë të dobishëm zhduken gjatë kohës së transportit, duke e bërë më pak ushqyese për ne.

ushqimet (1)

Zarzavate të paketuara

Zarzavatet e paketuara janë larë dhe copëtuar paraprakisht për ne për ta bërë më të lehtë dhe më të shpejtë konsumimin e tyre. Sidoqoftë, një paralarje e tillë mund të dëmtojë fibrat e zarzavateve dhe të bëjë që vitaminat të humbasin.

ushqimet (6)

Luleshtrydhe dhe boronicë

Vera është koha më e mirë për rritjen e luleshtrydheve. Ato janë të pasura me vitaminë C, e cila forcon kolagjenin dhe boronicat mund të ndihmojnë për të parandaluar kancerin e lëkurës dhe për të rritur aktivitetin e trurit.

Por është më mirë të konsumoni vetëm manaferrat e rritura në vend. Ato që transportohen nga shumë kilometra larg nuk do të kenë shumë aromë ose lëndë ushqyese. Nëse akoma dëshironi t’i shijoni, atëherë mund të zgjidhni variante të ngrira.

ushqimet (3)

Kallinj

Misri rritet vetëm në verë dhe në asnjë stinë tjetër. Kështu që kalliri që gjeni në supermarketin tuaj lokal mund të mos jetë aq i  freskët sa mendoni. Në vend të kësaj, ata mund të jenë të ngrirë ose të mbetur nga vera e kaluar. Rajoni që mund të jetë një përjashtim këtu është Florida – atje, misri zakonisht fillon të piqet në fund të janarit.

ushqimet (2)

Produktet e qumështit

Disa produkte qumështi si gjiza duhet të  konsumohen me kujdes në dimër. Gjiza mund të rrisë sekretimin e mukusit nga gjëndrat dhe mund të ndikojë në gjendjen e përgjithshme të trupit.

Njerëzit që tashmë kanë kollë, janë ftohur ose vuajnë nga astma, mund ta përkeqësojnë problemin duke e konsumuar atë. Kjo sepse qumështi mund të shkaktojë gëlbazë.

ushqimet (5)

Sheqeri

Sheqeri shkakton proceset e inflamacionit në trupin tuaj dhe zvogëlon lirimin e  dopaminës, një element që luan një rol të rëndësishëm në mënyrën se si ndiejmë kënaqësi. Dimri është tashmë një sezon mjaft i zymtë për shumë njerëz dhe konsumi shtesë i sheqernave mund ta bëjë atë edhe më keq.

ushqimet (7)

Mishi i kuq

Mishi i kuq është një burim i shkëlqyeshëm i proteinave të nevojshme për forcimin e muskujve dhe të metabolizmit. Sidoqoftë, konsumimi i shpeshtë i tij mund të shkaktojë një përqendrim të mukusit në fytin tuaj. Është më mirë të zgjidhni të hani pulë ose peshk gjatë kësaj stine.

NDIQE LIVE "PANORAMA TV" © Panorama.al

Te lidhura