Dy vajza nga Brazili janë arrestuar nga policia grek në aeroportin “Elefterios Venizelos” pasi u konstatuan se kishin me vete 13 kg kokainë të fshehur në bagazhet e tyre.
Sipas mediave greke, policia kishte marrë informacion për linjën e trafikut të drejtuar nga një i ri që sillte vajza nga Brazili për të punuar si eskorta luksi.
Pas kontrollit të dy vajzave nga Brazili është zbuluar edhe lënda narkotike. Ata e kishin fshehur lëndën narkotike në një pjesë të fshehtë të valixheve të tyre.
Bashkë me lëndën narkotike u sekuestruan edhe dy celularë dhe një shumë parash që ato kishin marrë me vete.
NDIQE LIVE "PANORAMA TV" © Panorama.al
