Ish eurodeputetja, sot presidente e forumit të grave të partive popullore europiane Doris Pack, zgjodhi Shkodrën, si një nga qytetet e goditura së fundmi prej ngjarjeve të rënda, të jepte një mesazh të fortë për qeverinë. Pack tha se kjo që po ndodh është e patolerueshme për një vend kandidat për anëtarësim në Bashkimin Europian.
“Jam e shokuar nga situata e kriminalitetit në Shkodër. Janë 9 vrasje dhe dy të zhdukur. Diskutohet përfshija e policisë dhe vetë ministrat. Nëse qeveria që s’arrin të kapë kriminelët s’mund të futet në Bashkimin Europian. Nuk mund ta imagjinoj se kjo po ndodh në një vend që po hap negociatat, jam e tërbuar që një qeveri e tillë nuk po iu mbron dhe kjo nuk ndodh vetëm në Shkodër por edhe në Tiranë dhe Vlorë”, tha Doris Pack për gazetarët.
Madje ajo shkoi deri aty sa të theksojë se përtej dëshirës së madhe që ka ta shohë Shqipërinë të rreshtuar krah vendeve anëtare, me një situatë të tillë, kjo gjë është e pamundur. Për këtë kërkoi rezultate.
E shoqëruar nga deputetja demokrate Albana Vokshi, Pack u takua për afro 60 minuta pa praninë e mediave me kryebashkiaken e Shkodres Voltana Ademi.
NDIQE LIVE "PANORAMA TV" © Panorama.al
