Presidenti Ilir Meta vijon udhëtimin e tij në vendet me histori të Shqipërisë. Këtë mesditë kreu i shtetit ishte në Barmash të Kolonjës, ku kujton edhe ngjarjen e jashtëzakonshme të rezistencës antifashiste.
Mes të tjerash, Meta shkruan në profilin e tij në “Facebook” se në Barmash pushtuesi nazist provoi goditjen e parë, trimërinë dhe heroizmin e popullit tonë në mbrojtje të lirisë së Atdheut.
“Kolonja është një trevë me ngjarje të jashtëzakonshme të Rezistencës Antifashiste, që na bëjnë krenar të gjithëve.
Sot ndalova në Barmash, ku pushtuesi nazist provoi goditjen e parë, trimërinë dhe heroizmin e popullit tonë në mbrojtje të lirisë së Atdheut.
Nderim përjetë banorëve të Leskovikut, Dangllisë, Panaritit, Vithkuqit e mbarë Kolonjës për rezistencën heroike të 6 korrikut 1943. ??”, shkruan Meta.
“Pas ndalesës në Barmash nuk mund të mos ndalosh në Borovën martire, atje ku dhjetëra të moshuar, gra, fëmijë e foshnja u masakruan barbarisht nga nazistët si hakmarrje ndaj sulmit partizan në Barmash. I përjetshëm kujtimi i martirëve të Borovës! ??”, shkruan Meta ne postimin e radhes.
NDIQE LIVE "PANORAMA TV" © Panorama.al
