Arrestohet një shqiptar 41-vjeçar në Itali, i njohur për policinë pasi ka qënë i dënuar më parë, kurse tani akuzohet për vjedhje në dy biznese publike.
Në pranga u vu nga karabinierët e Brescia, me bashkëpunimin me ata të Salò dhe Chiari, mëngjesin e së enjtes 29 gusht.
Karabinierët ishin vënë në ndjekje të një furgoni, i cili u zbulua më pas se ishte grabitur më 7 gusht në një ndërmarrje.
Pas një ndjelje të shkurtër, furguni u ndalua në komunën e Passirano. Në momentin e kontrollit në automjet kishte 3 persona, dy prej të cilëve arritën të shpëtojnë në fushat përreth zonës ndërsa njëri mbeti në duart e policëve.
Nga kontrollet u verifikua se ky furgon ishte i njëjti i përdorur për të kryer dy vjedhje, një në një bar në Bedizzole gjatë natës dhe i dyti në një bar në Bagnolo Mella.
Në momentin e arrestimit, shqiptarit iu gjetën të gjitha sendet e vjedhura, mes tyre 3 çanta me 3.700 euro gjithsej.
NDIQE LIVE "PANORAMA TV" © Panorama.al
